महाराष्ट्र प्रदेश काँग्रेसचं अधिकृत इन्स्टाग्राम अकाउंट अचानक सस्पेंड करण्यात आलं. तांत्रिक कारणांमुळे हे अकाउंट बंद झाले का? याबाबत सध्या चर्चा सुरू असून काँग्रेसकडून हे अकाउंट पुनर्संचयित करण्याचे प्रयत्न सुरू आहेत. काँग्रेसचे इन्स्टाग्राम अकाऊंट सस्पेंड झाल्यामुळे आता चर्चा होऊ लागल्या आहेत.

थोड्या वेळा पूर्वीच महाराष्ट्र काँग्रेसचे इन्स्टाग्राम अकाऊंट सस्पेंड करण्यात आले आहे. या अकाऊंटबद्दल अनेक तक्रारी इन्स्टाग्रामकडे दाखल झाल्या होत्या. मात्र यासंदर्भात काँग्रेसच्या नेत्यांनी थेट भाजपवरच आरोप केला आहे. काँग्रेसकडून भाजपवर सतत होत असलेल्या टीकेमुळे भाजपने सुडबुद्धीने ही कारवाई केली असे काँग्रेसचे म्हणणे आहे.