मुंबई : आगामी विधानसभा निवडणुकीमध्ये छत्रपती संभाजीराजे आणि मनोज जरांगे एकत्र लढणार? असा सवाल आता निर्माण होतोय. कारण काल १४ ऑगस्ट रोजी रात्री उशिरा छत्रपती संभाजीराजे आणि मनोज जरांगे यांच्यात बैठक झालीय. ही बैठक सुमारे तीन तास चालली असल्याची माहिती समोर आलीय. त्यामुळे आता छत्रपती संभाजीराजे आणि मनोज जरांगे विधानसभेची तयारी एकत्र करणार असल्याच्या चर्चांणा उधाण आलंय.

यावर छत्रपती संभाजीराजे प्रतिक्रिया देत म्हणाले की, मनोज जरांगे यांची तब्येत बिघडल्यानं आलो होतो. भेटीत राजकीय चर्चा झालीय. अनेक वर्षांपासून मनोज जरांगे यांना ओळखतो. त्यांना नेहमी सपोर्ट करायची भुमिका आहे. दोघांचाही उद्धिष्ट एकच आहे. आमची भूमिका आणि बहुतांश सगळ्या मागण्या सारख्याच असल्याचं छत्रपती संभाजीराजे म्हणाले आहेत. त्यामुळे आता या बैठकीनंतर राजकीय वर्तुळात सगळ्यांच्या भुवया उंचावल्या आहेत.