लाडकी बहीण योजनेत अनेक महिलांचा लाभ बंद झाला आहे. लाभ बंद झाल्याने लाभार्थी महिलांमध्ये नाराजीचे वातावरण आहे. दरम्यान, जळगावमध्ये लाडक्या बहिणी थेट महिला व बालविकास केंद्रावर पोहचल्या आहेत. लाडकी बहीण योजनेचे पैसे मिळत नसल्याने शेकडो संतप्त महिला जळगावच्या महिला आणि बाल विकास कल्याण केंद्रात घुसल्या आहे. लवकरात लवकर आम्हाला लाडक्या बहीण योजनेचे पैसे देण्यात यावे अशी मागणी त्यांनी केली आहे.

जळगाव जिल्ह्यामध्ये एकूण दहा लाखाहून अधिक महिला या लाडक्या बहीण योजनेस पात्र ठरल्या आहेत. मात्र, केवायसी केल्यानंतरही एक लाखाहून अधिक महिलांच्या खात्यात पैसे जमा झालेले नाहीत.यामुळे महिलांचा आज उद्रेक झाल्याचं पाहायला मिळत आहे. केवायसी करताना झालेल्या चुकीमुळे ही अडचण निर्माण झाल्याचं अधिकारी सांगत आहे.