मुख्यमंत्री माझी लाडकी बहीण योजनेचा लाभ दीड कोटींपेक्षा जास्त महिला घेत आहेत. यातील राज्यातील तब्बल 65 ते 70 लाख महिलांचा बंद झाल्याची माहिती समोर आलीय. लाभ बंद झाल्याचे कारण अनेक महिलांना अद्याप समजलेले नाही. नेमका कोणत्या कारणामुळे १५०० मिळणं बंद झालं, हे कळलं नाही. त्यामुळे आता महिलांना थेट जिल्हा महिला आणि बालविकास अधिकारी कार्यालयातून लाभ बंद होण्याचे नेमके कारण सांगितले जाणार आहे. KYC दुरुस्तीसाठी 30 एप्रिलपर्यंत मुदत देण्यात आली आहे. अनेक महिलांचा नोव्हेंबर, डिसेंबर, जानेवारीनंतर लाभ बंद झाला आहे. परंतु त्याचे कारण त्यांना समजलेले नाही. आता तुम्ही थेट संबंधित अधिकाऱ्यांना याबाबत कारण विचारु शकतात. तुम्हाला याबाबत सर्व माहिती मिळणार आहे.