लाडक्या बहिणींसाठी आनंदाची बातमी आहे. लाडक्या बहिणींना रक्षाबंधनाआधीच सरकारने ओवाळणी दिली आहे. लाडकी बहीण योजनेचे 1500 रुपये महिलांच्या बँक खात्यात जमा होण्यास सुरुवात झाली आहे. सामाजिक न्याय विभागाकडून 344 कोटी रुपयांचा निधी महिला आणि बालविकास विभागाकडे वितरित करण्यात आल्यानंतर जुलै महिन्याच्या हप्त्यांचं वितरण सुरु करण्यात आलं आहे. अनेक लाडक्या बहिणींच्या खात्यात १५०० रुपये जमा झाले आहेत. तर काहींच्या खात्यात अद्याप पैसे जमा झाले नाहीत. पैसे जमा होण्याची प्रक्रिया सुरु आहे त्यामुळे लाडक्या बहिणींनी चिंता करण्याचे कारण नाही. काही तासांत त्यांच्या देखील खात्यात पैसे जमा होतील. हे जुलै महिन्याच्या हप्त्याचे पैसे होते. ऑगस्टचे १५०० रुपये कधी येणार? याची आता लाडक्या बहिणी वाट पाहत आहेत.