लाडकी बहिण योजनेसंदर्भात राज्यातील लाभार्थ्यांसाठी महत्त्वाची बातमी समोर आली आहे. यंदा दिनाळीत लाडक्या बहिणींना मिळणारा हफ्ता मिळण्याची शक्यता असल्याचे संकेत आहेत. कारण शासनाने या योजनेसाठी ई-केवायसी बंधनकारक केली आहे. अविवाहित लाभार्थ्यांना वडिलांचे तर विवाहितांना त्यांच्या पतीची ई-केवायसी करावी लागणार आहे. केवायसीची प्रक्रिया पूर्ण झाल्यानंतरच हप्त्याची रक्कम त्यांच्या खात्यात जमा होणार आहे. त्यामुळे अनेक लाभार्थिनींचा दिवाळीपूर्वीचा लाभ लांबणीवर पडण्याची शक्यता आहे. ग्रामीण आणि शहरी भागातील हजारो महिला या योजनेअंतर्गत लाभ घेण्यासाठी उत्सुक असल्या तरी प्रक्रियेत होणाऱ्या विलंबामुळे नाराजी वाढत आहे. त्यामुळे या दिवाळीत लाडक्या बहिणींना भावाकडून भाऊबीज भेट मिळणार नसल्याची शक्यता वर्तवली जात आहे.