How to complete Ladki Bahin scheme e-KYC online step by step Maharashtra मुख्यमंत्री माझी लाडकी बहीण योजनेचा लाभ मिळवण्यासाठी राज्य सरकारने ई-केवायसी (e-KYC) दुरुस्तीची प्रक्रिया पुन्हा सुरू केली. पण तांत्रिक अडचणींमुळे ही प्रक्रिया डोकेदुखी ठरत आहे. पोर्टल संथ चालणे आणि हेल्पलाईनवरून प्रतिसाद न मिळणे यामुळे राज्यातील हजारो महिला संतापल्या आहेत.

काही त्रुटींमुळे ज्या महिलांचे अर्ज प्रलंबित होते किंवा ज्यांना अद्याप लाभ मिळालेला नाही, त्यांच्यासाठी सरकारने ईकेवायसी पुन्हा सुरू करण्याचा निर्णय घेतला. पण पोर्टलवर लॉगिन करताना वारंवार 'एरर' येत आहे. ओटीपी (OTP) न येणे, प्रोफाईल अपडेट न होणे आणि साईट क्रॅश होणे अशा तक्रारींचा पाऊस पडत आहे. ग्रामीण भागातील महिलांना अधिक त्रास होत असल्याचे समोर आले. तांत्रिक मदतीसाठी देण्यात आलेल्या अधिकृत हेल्पलाईन क्रमांकावर संपर्क केला जातोय, पम कोणताही प्रतिसाद मिळत नसल्याचा आरोप महिलांनी केला आहे.