पुण्यातील कोथरुड गोळीबार प्रकरणात महत्त्वाची घडामोड घडली आहे. घायवळ टोळीचा प्रमुख निलेश घायवळ यांच्या घरावर कोथरुड पोलिसांनी छापा टाकत मोठी कारवाई केली आहे. या कारवाईदरम्यान पोलिसांनी घायवळ यांची एक एसयूव्ही कार आणि दोन दुचाकी अशी तीन वाहने जप्त केली आहेत. छाप्यावेळी कोथरूड पोलिस ठाण्याच्या अधिकाऱ्यांसह मोठा फौजफाटा तैनात करण्यात आला होता. या प्रकरणी निलेश घायवळ याच्यावर मोक्का अंतर्गत गुन्हा दाखल करण्यात आला आहे. दरम्यान, तो सध्या लंडनमध्ये असल्याची माहिती समोर आली आहे. त्यामुळे पुणे पोलिसांनी त्याच्याविरोधात लुक आऊट नोटीस जारी केली आहे. या कारवाईमुळे पुन्हा एकदा शहरात घायवळ टोळी आणि गुन्हेगारी पोलिसांची धडक मोहीम चर्चेत आली आहे.