कोल्हापूर येथील गांधीनगरमध्ये चोरी करताना एका चोरट्याला रंगेहात पकडण्यात आले. हा चोरटा गारगोटी येथील एका सौंदर्य शॉपीचा मालक अमित कवेकर असल्याचे समोर आले आहे.

तो रोज दुकानात खरेदी करण्याच्या बहाण्याने येत असे आणि सामान निवडताना एका बॉक्स हातात घेऊन कोपऱ्यात जाऊन त्या वस्तू आपल्या खिशात लपवत असे. धक्कादायक बाब म्हणजे त्याने अनेक वस्तू आपल्या आंतरवस्त्रांमध्येही लपवून ठेवल्या होत्या. हा संपूर्ण प्रकार सीसीटीव्ही कॅमेऱ्यात कैद झाला.

दुकानमालकांनी तातडीने पोलिसांना बोलावले. पोलिसांनी चौकशीदरम्यान त्याला एक चापट मारताच त्याने चोरीची कबुली दिली आणि एक एक वस्तू बाहेर काढण्यास सुरुवात केली. हा प्रकार पाहून उपस्थित व्यापारी थक्क झाले.