बनावट नोटा प्रकरणी सांगलीच्या महात्मा गांधी चौकी पोलिसांनी आणखी साडेसहा लाखांच्या बनावट नोटा जप्त करत एकास अटक केली आहे. कोल्हापूरच्या गांधीनगर येथे छापा टाकत पाचशे रुपयांच्या 1 हजार 300 बनावट नोटा, त्याच बरोबर अर्धवट बनवलेल्या नोटा कागदांचा बंडल आणि प्रिंटीगचे वेस्टेज साहित्य जप्त करण्यात आले आहे. अभिजीत पोवार यास अटक करण्यात आली असून बनावट नोटा प्रकरणी अटक करण्यात आलेल्या आरोपींची संख्या आता सहा झाली आहे. मिरजच्या महात्मा गांधी चौकी पोलिसांकडून कोल्हापुर येथे छापा टाकून बनावट छपाईचे साहित्य जप्त करत पुणे-बंगळुरू महामार्गावरून मुंबई कडे जाणाऱ्या 99 लाख 23 हजारांच्या बनावट नोटा जप्त बनावट नोटांच्या टोळीचा पर्दाफाश करण्यात आला होता,आता या बनावट नोटांच्या रॅकेटची व्याप्ती आणखी वाढत असल्याचं समोर आलं आहे.