शिक्षक आणि पदवीधर विधान परिषद निवडणुकीसाठी आज मतदान सुरु झालं आहे. या मतदान केंद्रावर भाजपचे मुंबई पदवीधर उमेदवार किरण शेलार आणि शिवसेना नेत्या किशोरी पेडणेकर मतदान करणार आहेत. मुंबईत पार पडणाऱ्या निवडणुकीत आमचे उमेदवार विजयी होतील. अनिल परब हे सगळ्यांच्या परिचयाचे आहेत. ही सुशिक्षित नागरिकांची निवडणूक आहे मात्र काही ठिकाणी शिक्षकांना देखील पैसे देऊन विकत घेण्याचा प्रयत्न केला गेला आहे. याची निवडणूक आयोगाने दखल घ्यावी, अशी प्रतिक्रिया माजी महापौर किशोरी पेडणेकर यांनी दिली. ज्यांनी खोके मिळवले ते वाटणारच असं म्हणत किशोरी पेडणेकर यांनी सत्ताधाऱ्यांवर निशाणा साधला आहे.