उत्तराखंडमधील केदारनाथमध्ये शनिवारी मोठी दुर्घटना टळली. प्रवाशांना घेऊन जाणाऱ्या एका खाजगी हेलिकॉप्टरमध्ये बिघाड झाला आणि त्यामुळे एमरजन्सी लॅंडींग करावी लागली. बिघाड झाल्याने पायलटने एक्स्प्रेसवर हेलिकॉप्टर उतरवले. त्यामुळे संबंधित दुर्घटना टळली.

केदारनाथधाम निघालेल्या हेलिकॉप्टरचे एमर्जन्सि लॅंडींग करावे लागले. शनिवारी ही घटना घडली. खाजगी हेलिकॉप्टरने प्रवाशांना घेऊन उड्डाण केले होते. क्रिस्टल एव्हीएशन प्रा.लि या कंपनीचे हे हेलिकॉप्टर आहे.

याबाबत उत्तराखंडचे कायदा आणि सुव्यवस्था अतिरिक्त पोलीस महासंचालक डॉ. व्ही. मुरूगेशन यांनी सांगितले की, हेलिकॉप्टर केदारनाथ धामकडे निघाले होते. हेलिकॉप्टरमध्ये तांत्रिक बिघाड झाला. त्यामुळे रुद्रप्रयाग जिल्ह्यातील गुप्तकाशीमध्ये त्याचे एमरजन्सी लॅंडींग करण्यात आले. हेलिकॉप्टरमध्ये पायलटसह सहाजण होते.