मनोज जरांगे पाटलांचा आज पहिला मुक्काम जुन्नर नगरीत होत असून दोन लाख मराठा आंदोलकांसाठी एक घास चटणी-भाकरीचा शिधा उपलब्ध करून देण्यात आलाय. जुन्नर तालुक्यातील गावोगावातून "मायेचा घास" पुरविण्याचे काम स्थानिक नागरिकांनी हाती घेतलंय मराठा आरक्षण आंदोलनासाठी मुंबईकडे निघालेले मनोज जरांगे पाटील आणि त्यांच्यासोबतचे लाखो मराठा बांधव आज जुन्नर येथे मुक्काम करणार आहेत. त्यांच्या जेवणावळीची जय्यत तयारी जुन्नरकर मराठा बांधवांनी केली असून कोरडा शिधा जमा करण्यास सुरुवातही झालीय. आंदोलनाला अन्नदानाचा मोठा हातभार मिळाल्याने मराठा समाजातील एकोप्याचं दर्शन जुन्नर नगरीत घडत आहे.