भारतीय महिला क्रिकेट संघातील स्टार खेळाडू जेमिमा रॉड्रिग्ज, जिने विश्वचषक सामन्यात आपल्या चमकदार कामगिरीने इतिहास घडवला, ती आता नवी मुंबईशी एक वेगळं नातं जोडत आहे. गेल्या दोन वर्षांपासून ती नवी मुंबईतील विविध मैदानांवर आणि स्टेडियममध्ये नियमितपणे सराव करत आहे.

येथील आधुनिक आणि सुविधा संपन्न स्टेडियम्समुळे तिला सरावासाठी उत्तम वातावरण मिळत असल्याचं जेमिमाचं म्हणणं आहे. मात्र, ती मुंबईतील बांद्रा परिसरात राहते, त्यामुळे रोजच्या येण्या-जाण्यात तिचा बराच वेळ खर्च होतो. त्यामुळे ती आता लवकरच नवी मुंबईकर होणार आहे. वाशी सेक्टर 14 मधील रजनीश को-ऑपरेटिव हाऊसिंग सोसायटीमध्ये तिने घर घेतलंय.