भारत आणि पाकिस्तानमधील तणाव कमी करण्यासाठी काल अमेरिकेचे अध्यक्ष डोनाल्ड ट्रम्प यांनी ट्विट करत युद्धविरामाची घोषणा केली. यानंतर भारताच्या परराष्ट्र मंत्र्यांनी पत्रकार परिषद घेत याबाबत सखोल माहिती दिली आणि या युद्धाला विराम दिला. यानंतर पाकिस्तानने अवघ्या काही वेळातच या कराराचे उल्लंघन करत रात्री अचानक गोळीबार सुरू केला. यावर भारताने जशास तसे उत्तर दिले. यावर हवाई दलाने माहिती दिली आहे. ऑपरेशन सिंदूर अजूनही सुरू असून येत्या काळात यासंबंधी अधिक माहिती दिली आहे.

हवाई दलाने त्यांच्या सोशल मीडिया हँडलवर म्हटले की, भारतीय हवाई दलाने ऑपरेशन सिंदूर अंतर्गत नेमून दिलेली सर्व कामे अचूकतेने आणि जबाबदारीने यशसवरीत्या पूर्ण केली आहेत. ही कारवाई देशाच्या हिताच्या अनुषंगाने विचारपूर्वक आणि काळजीपूर्वक पार पाडण्यात आली. ही कारवाई अजूनही सुरू असल्याने त्याची संपूर्ण माहिती लवकरच दिली जाईल. हवाई दलाने लोकांना कुठल्याही प्रकारची अफवांवर विश्वास न ठेवण्याचे ही आवाहन केले आहे.