भारत आणि चीन यांच्यातील थेट विमानसेवा तब्बल पाच वर्षांच्या खंडानंतर पुन्हा सुरू होणार आहे. २६ ऑक्टोबरपासून या विमानसेवांना सुरुवात होणार असून प्रवाशांना मोठा दिलासा मिळणार आहे. इंडिगो कंपनी कोलकाता-ग्वांगझू दरम्यान थेट विमानसेवा सुरू करणार आहे. तसेच भारताची इंडिगो आणि चीनची ‘चायना ईस्टर्न’ या दोन विमान कंपन्या दोन्ही देशांमध्ये थेट उड्डाणे सुरू करणाऱ्या पहिल्या कंपन्या ठरणार आहेत. कोरोना महामारी आणि त्यानंतरच्या परिस्थितीमुळे भारत-चीन हवाई सेवा बंद झाली होती. आता पुन्हा विमानसेवा सुरू होत असल्याने व्यापारी, विद्यार्थी तसेच पर्यटनासाठी प्रवास करणाऱ्यांना मोठा फायदा होणार आहे.