भारतीय जनता पक्षाचे नेते तथा सांगली जिल्ह्याचे पालकमंत्री चंद्रकांत पाटील यांनी सांगलीचे अपक्ष खासदार विशाल पाटील यांना भाजपमध्ये प्रवेश करावा अशी खुली ऑफर दिली आहे. चंद्रकांत पाटील म्हणाले, राजकारणात नेहमी वर्तमानात चालावे लागते. यावरच खासदार विशाल पाटील यांनी त्यांच्या सुरातसुर मिसळवत पुढे काय होईल माहीत नाही अशी प्रतिक्रिया दिली. पुढे चंद्रकांत पाटील म्हणाले, वर्तमानात त्यांच्या हाताशी 4 वर्षे 2 महीने आहेत. त्यामुळे या कालावधीचा आम्ही विचार करतो. जर ते बरोबर आले तर आमची केंद्रातील एक संख्या वाढेल आणि जिल्ह्यातल्या विकासकामांना त्यांना जे करायचे आहे ते ही सोपे जाईल म्हणून आम्ही त्यांना जाहीर ऑफर पुन्हा देत आहोत. त्याचा त्यांनी विचार करावा. यावरच विशाल पाटील यांनी प्रतिक्रिया देत मी नंतर प्रेस घेणार आहे असे बोलून यावर उत्तर देणे टाळले.