शरद पवारांचा लढवय्या बाणा यंदाच्या लोकसभा निवडणुकीतही दिसला. पक्ष आणि चिन्ह गेल्यामुळे पवारांनी अस्तित्वाच्या लढाईत पायाला भिंगरी लावून महाराष्ट्रभर जोरदार प्रचार केला. राष्ट्रवादी कॉंग्रेस पक्षात अजित पवार यांनी बंडखोरी केल्यानंतर पहिल्यांदाच दोन्ही गट निवडणुकीला सामोरे गेले. यात शरद पवारांनी सगळी ताकद लावल्याचं पहायला मिळालं.त्याचाच परिणाम म्हणून महाविकास आघाडीच्या जागा वाटपात अवघ्या दहा जागा मिळूनही एक्झिट पोलच्या अंदाजात शरद पवार गटाने मुसंडी मारल्याचं दिसतंय.