राज्यामध्ये काही दिवसांच्या विश्रांतीनंतर मुसळधार पावसाने पुन्हा हजेरी लावलीये. पुणे,सातारा, ठाणे, रायगड आणि रत्नागिरीला ऑरेंज अलर्ट जारी करण्यात आला आहे. कमी दाब क्षेत्रामुळे मान्सून पुन्हा सक्रिय झालाय. कोकण, उत्तर महाराष्ट्रात जोरदार पावसाचा इशारा देण्यात आला आहे. तर मुंबई, पालघरसह विदर्भात पावसाचा यलो अलर्ट जारी करण्यात आलाय. विदर्भातील बुलढाणा,अकोला, वाशिम , अमरावती, वर्धा, नागपुरात विजांच्या कडकडाटांसह मुसळधार पावसाची शक्यता वर्तविण्यात आली आहे.