सांगलीत गर्भपाताचा मोठा साठा पोलिसांनी जप्त केला आहे. या प्रकरणी औषध वितरक सुनील मळगे याला पोलिसांनी अटक केली आहे. कोल्हापूर पोलिसांनी सांगलीतल्या मळगेच्या घरी धाड टाकली. तेव्हा साडे चार लाख रुपये किंमतीच्या गर्भपाताच्या गोळ्या पोलिसांनी जप्त केल्या. मळगेच्या घरात गर्भपाताच्या ९४६ गोळ्यांचे किट होते. कोल्हापूरच्या करवीर तालुक्यात गर्भलिंगनिदान आणि गर्भपाताचे अवैध रॅकेट सुरू होते. यासाठी कोल्हापूर पोलिसांनी तपास केला असता, त्याचे धागे सांगलीपर्यंत सापडले. पोलिसांनी आतापर्यंत तीन बोगस डॉक्टरांनाही अटक केली होती.