राज्यात विधानसभा निवडणुकीत पैशांचा पाऊस पडत आहे. गेल्या तीन ते चार दिवसात राज्यात अनेक ठिकाणी मोठ्या प्रमाणात पोलिसांनी कारवाई करून कोट्यावधी रुपयांची रोकड जप्त केली आहे. राज्यातील वेगवेगळ्या जिल्ह्यातील या घटना आहेत. त्यामुळे यंदाची विधानसभा या पैशांच्या पावसासाठी गाजणार का ? असा सवाल आता उपस्थित होत आहे.

विधानसभा निवडणुकीची रणधुमाळी सुरू झाली आहे. विधानसभा निवडणुकीच्या अनुषंगाने लावण्यात आलेल्या आचारसंहितेच्या काळात राज्यात मोठ्याप्रमाणात कोट्यावधीची रोकड पोलिसांनी जप्त केली आहे. राज्यातील वेगवेगळ्या भागातून ही रोक्त सापडली आहे. त्यामुळे आता विधानसभा निवडणुकीत पैशांचा अक्षरश: पाऊस होताना दिसत आहे. यात खेड शिवापुरमधून ५ कोटी, हिंगोलीतून १ कोटी, एरंडोलमध्ये १.५ कोटी सापडले होते. तर अमळनेरमधून १६ लाख रुपये जप्त करण्यात आले आहेत आणि हडपसरमधून २२ लाखांची रोकड जप्त केली आहे. त्यामुळे विधानसभा आचारसंहितेच्या काळात एवढ्या मोठ्या प्रमाणात सापडलेल्या या पैशांमुळे प्रश्नचिन्ह उपस्थित होत आहे.

Edited By Rakhi Rajput