बारावीच्या अभ्यासक्रमाबाबत मोठी बातमी समोर आली आहे. २०२७ -२८ पासून बारावीचा नवीन अभ्यासक्रम लागू होणार आहे. महाराष्ट्र राज्य बोर्डाचे अध्यक्ष शरद गोसावी यांनी ही माहिती दिली. २०२८ पर्यंत सीबीएससी अभ्यासक्रम करण्याचे नियोजन बोर्डाकडून करण्यात आले आहे. पाठ्यपुस्तक आणि अभ्यासक्रम निश्चिती लवकरच केली जाणार आहे. त्यानंतर २०२७ -२८ पासून बारावीला नवीन अभ्यासक्रम मिळणार आहे. या शैक्षणिक वर्षापासून सीबीएससी अभ्यासक्रम सुरू होणार आहे.

आज बारावी बोर्डाचा निकाल जाहीर झाला. राज्य बोर्डाचे अध्यक्ष शरद गोसावी यांनी पत्रकार परिषद घेत निकालाबाबत माहिती दिली. बारावी परीक्षेचा राज्याचा निकाल ९१.८८ टक्के लागला आहे. फेब्रुवारी २०२४ चा निकाल ९३.३७ टक्के होता. तर यावर्षी ९१.८८ टक्के निकाल लागला आहे. म्हणजेच गेल्या वर्षीच्या तुलनेत यावर्षीचा निकाल १.४९ टक्क्यांनी कमी आहे. यंदा देखील कोकण विभाग अव्वल ठरला आहे. तसंच या निकाल यावर्षी देखील मुलींनीच बाजी मारली.