Digital Satbara 7/12 News : महसूल विभागाने डिजिटल सातबारा उताऱ्याला कायदेशीर मान्यता दिली आहे. आता पंधरा रुपयांमध्ये अधिकृत सातबारा उतारा मिळणार आहे. महत्त्वाचे म्हणजे, त्या सातबारा उताऱ्यावर तलाठ्याची सही आणि स्टॅंपची गरज लागणार नाही. हे उतारे सर्व सरकारी, निमसरकारी, बँकिंग आणि न्यायिक कामकाजात कायदेशीर आणि वैध ठरतील. डिजिटल स्वाक्षरी किंवा कोड तसंच सोळा अंकी पडताळणी क्रमांकासह हे सातबारा उपलब्ध होणार आहेत.

याबाबत महसूल मंत्री चंद्रशेखर बावनकुळे यांनी जिल्हाधिकाऱ्यांना आदेश दिले आहेत. डिजिटल स्वाक्षरी, क्यूआर कोड व १६ अंकी पडताळणी क्रमांकासह असणारे ७/१२, ८-अ आणि फेरफार उतारे सर्व सरकारी, निमसरकारी, बँकिंग, न्यायालयीन कामकाजात कायदेशीर व वैध ठरणार आहे, याबाबत शासनाकडून परिपत्रक जारी करण्यात आले आहे.