हिंगोलीत शेतात जाणाऱ्या महिलेला रस्त्यात अडवून 35 वर्षाच्या नराधमाने बलात्कार केल्याची धक्कादायक घटना घडली आहे. औंढा पोलिस स्टेशन हद्दीत घडलेल्या या घटनेमुळे खळबळ उडाली असून, औंढा पोलिसांनी आता अत्याचार करणाऱ्या या आरोपीला ताब्यात घेतले आहे. धक्कादायक बाब म्हणजे काल सायंकाळी घडलेल्या या घटनेत पोलिसांनी अद्यापपर्यंत गुन्हाच दाखल केला नसल्याचे पुढे आले असून औंढा उपजिल्हा रुग्णालयाचा असवेंदनशीलपना देखील पुढे आला आहे. औंढा उपजिल्हा रुग्णालयात महिला डॉक्टर उपलब्ध नसल्याचे कारण सांगत या महिलेला उपचारासाठी हिंगोलीच्या शासकीय वैद्यकीय महाविद्यालयात पाठवण्यात आले आहे. दरम्यान आरोपी हा मद्यप्राशन केलेला होता. आरोपीने महिलेला रस्त्याच्या बाजूला असलेल्या एका नाल्यात ओढत घेऊन जात अतिप्रसंग केला आहे.