मुंबई-पुणे एक्स्प्रेस वेवर पुन्हा मोठी वाहतूक कोंडी झाली आहे. विकएन्डमुळे एक्सप्रेस वेवर वाहनांची संख्या वाढली आहे. त्यामुळे मुंबईवरून पुण्याकडे जाणाऱ्या मार्गीकेवर मोठी वाहतूक कोंडी झाली आहे. खंडाळा येथे बायपाय करीत दोन्ही मार्गावरून पुण्याकडे वाहन सोडण्याचा प्रचाशासनाने निर्णय घेतला. पुण्याकडे जाणाऱ्या मार्गिकेवर झालेली वाहतूक कोंडी सोडवण्यासाठी मुंबईच्या दिशेने येणाऱ्या मार्गिकेवर काही काळाचा ब्लॉक घेतला जाणार आहे. टँकर अपघातानंतर पुन्हा मुंबई- पुणे एक्सप्रेस वेवर वाहनांच्या रांगा लागल्या आहेत त्यामुळे ही वाहतूक कोंडी सोडवताना पोलिसांना दमछाक होत आहे.

मुंबई -पुणे एक्स्प्रेस वेवर दोन दिवसांपूर्वी लोणावळ्यातील आडोशी बोगद्याजवळ गँस टँकर उलटून मोठा अपघात झाला होता. या अपघातामुळे मुंबई-पुणे एक्स्प्रेस वेवरील वाहतूक पूर्णपणे ठप्प झाली होती. तब्बल ३२ तासांनंतर काल सकाळी ही वाहतूक सुरू झाली. टँकर अपघातामुळे झालेल्या वाहतूक कोंडीचा फटाक प्रवाशांना बसला होता.