पुण्यात मुसळधार पावसाला सुरुवात झाली आहे. गेल्या काही दिवसांपासून विश्रांती घेतलेल्या पावसाने पुण्यात पुन्हा हजेरी लावली. अचानक आलेल्या पावसामुळे पुणेकरांची चांगलीच तारांबळ उडाली. या पावसामुळे पुणेकरांचे हाल होत आहेत.

पुण्यातील मध्यवर्ती भागासह उपनगरात पावसाने हजेरी लावली. गेल्या ७ दिवसांपासून विश्रांती घेतलेल्या पावसाचे पुण्यात दमदार पुनरागमन केले. हवामान विभागाने पुण्यासह अनेक जिल्ह्यात आज पावसाचा अंदाज वर्तवला आहे. आज शहरातील मध्यवर्ती भागात जोरदार पावसाने हजेरी लावली. या पावसामुळे उकाड्याने हैराण झालेल्या पुणेकरांना काहीसा दिलासा मिळाला. या पावसाचे व्हिडीओ समोर आले आहेत.