मुंबईत काल रात्रीपासून पावसाची जोरदार बॅटिंग सुरू आहे. पावसामुळे मुंबईतील सखल भागांमध्ये पाणी साचले आहे. रस्ते पाण्याखाली गेले आहेत. अचानक आलेल्या या पावसामुळे मुंबईकरांचे चांगलेच हाल होत आहे. मुंबईतील रस्ते वाहतूक आणि रेल्वे सेवा विस्कळीत झाली आहे. रस्त्यावर मोठा वाहतूक कोंडी झाली असून वाहनांच्या लांबच लांब रांगा लागल्या आहेत. मुंबईच्या पूर्व आणि पश्चिम उपनगरातही पहाटेपासून मुसळधार पाऊस सुरू आहे.मुंबईसाठी २ आणि ३ जुलै महत्वाचे असणार आहे. दोन्ही दिवशी मुसळधार पाऊस असणार आहे. त्यामुळे मुंबईकरांनी काळजी घेण्याचे आणि सुरक्षित ठिकाणी राहण्याचे आवाहन केले आहे.