नाशिक जिल्ह्यातील सुरगाणा तालुक्यात गेल्या तीन-चार दिवसांपासून मुसळधार पाऊस कोसळत आहे. त्यामुळे नार, पार, तान, मान, अंबिका या प्रमुख नद्यांसह सर्व नदी, नाल्यांना महापूर आला आहे. त्यामुळे अनेक गावांचा संपर्क तुटला आहे. त्यामुळे शेती कामासाठी आणि बाहेरगावी गेलेले अनेक लोक अडकून पडल्याची माहिती मिळत आहे. त्यातील काहींनी जीव धोक्यात घालून पुराच्या पाण्यातून घरी जाण्याचा देखील प्रयत्न केला. सुरगाणा-गुजरात राज्य मार्गावर गावांजवळ वटवृक्ष कोसळल्याने या मार्गावरची वाहतूक ठप्प झाली आहे.