सिंधुदुर्ग जिल्ह्यात सोमवारपासून मुसळधार पावसाने हजेरी लावली आहे. याचाच फटका आता जिल्ह्याचील फोंडा घाटाला बसला आहे. पश्चिम महाराष्ट्राला जोडणाऱ्या महत्वाच्या फोंडा घाटाला भला मोठा खड्डा पडला आहे. त्यामुळे वाहतुकीस अडथळा निर्माण झाला आहे. अवजड वाहनांना या घाटातून वाहतूक करण्यास बंदी करण्यात आली आहे. वैभववाडी तालुक्यातील करूळ घाट नूतनीकरणाच्या कामासाठी मागील सहा महिन्यांपासून बंद आहे. त्यामुळे पश्चिम महाराष्ट्रात जाणारी सर्व वाहने याच फोंडाघाटातून जात आहेत. मात्र आता वाहतुकीला अडथळा निर्माण झाल्यामुळे या मार्गावरून जाणाऱ्या वाहनांचा खोळंबा झाला आहे. खड्ड्याचे काम युद्धपातळीवर सुरू झाले असले तरी आणखी दोन तीन दिवस हे काम चालणार असल्याची माहिती समोर येत आहे.