कोकणात मुसळधार पावसाची जोरदार बॅटींग सुरु आहे. पावसामुळे महाडमधील तुळशी खिंड घाट रस्त्याच्या मध्ये मातीचे आसरे येत आहेत. संपूर्ण घाट रस्त्यावरून माती मिश्रीत लाल पाणी वाहत असल्यामुळे वाहन चालवताना वाहन चालकांना चांगलीच कसरत करावी लागत आहे. पावसाचा जोर हा असाच सुरु राहिला तर तुळशी खिंड घाटात दरड कोसळण्याची शक्यता देखील वर्तवली जात आहे. महाड तुळशी खिंड मार्गे खेडकडे प्रवास करणाऱ्यांना काळजी घेण्याचं आवाहन केलं जात आहे.