अक्कलकोट तालुक्यात मुसळधार पावसाने हाहाकार माजवला आहे. जोरदार पावसामुळे नदी, नाले आणि ओढ्यांना पूर आला असून अनेक भागांत पाणी साचले आहे. बोरगाव बादोले ते शिरवळ गावाला जोडणाऱ्या ओढ्याला पूर आल्याने पुलावर पाणी चढले आहे. परिणामी या मार्गावरील वाहतूक पूर्णपणे ठप्प झाली आहे. अचानक रस्ता बंद झाल्यामुळे ग्रामस्थांना मोठ्या अडचणींचा सामना करावा लागत आहे. शिरवळसह परिसरातील गावांना प्रशासनाने सतर्कतेचा इशारा दिला असून नागरिकांनी अनावश्यक प्रवास टाळावा, असे आवाहन करण्यात आले आहे. मुसळधार पावसामुळे शेतकरी, विद्यार्थी आणि प्रवाशांचे हाल होत असून परिस्थितीवर नियंत्रण ठेवण्यासाठी स्थानिक यंत्रणा लक्ष देवून आहे.