HLL कंपनीला कुठलेही टेंडर न काढता दोन हजार कोटी रुपयांचं कंत्राट देण्यात आले आहे. HLL कंपनी ही बोगस बिलं काढण्यासाठी वादात सापडली होती. सरकारनामाच्या चौकशीत ही धक्कादायक माहिती समोर आली आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याकडे कंपनीच्या तक्रारी आल्या होत्या. तरी या तक्रारीकडे कानाडोळा करण्याता आला का असा सवाल विचारण्यात येत आहे. या सगळ्यात आरोग्य मंत्री तानाजी सावंत यांनी चलाखी केल्याचे सांगण्यात येत आहे. महाराष्ट्रात डायलिसिसचे किती रुग्ण आहेत, त्यांच्यासाठी काय यंत्रणा उभी केली पाहिजे याचा अभ्यास न करता HLL कंपनीकडून जो प्रस्ताव आला तो २४ तासांच्या आत जसाच्या जसा मंजूर करण्यात आल्याची माहिती सरकारनामाचे संपादक ज्ञानेश सावंत यांनी दिली आहे.