देशभरात दिवाळीची धामधूम सुरु आहे. देशातील विविध कारखाने कंपनी कार्यालयात कर्मचारी वर्ग मोठ्या आनंदात दिवाळी साजरी करताना दिसत आहे. या दिवाळीत देशात काही कामगारांना बोनस मिळाला आहे. तर काहींना मिठाईवरच समाधान मानावं लागलं आहे. अशाच एका कारखान्याने कामगारांनाही दिवाळी बोनसऐवजी सोनपापडीचे डबे दिले. त्यामुळे संतापलेल्या कामगारांनी निषेध म्हणून सर्व डबे कारखान्याच्या गेटवरच फेकून दिले. हरियाणातील गनौर येथे ही घटना घडली. याचा व्हिडिओ आता समोर आला आहे.