वैष्णवी हगवणे आत्महत्येनंतर हगवणे कुटुंबाचे एकेक कारनामे समोर येत आहे. हगवणे कुटुंबाचा निकटवर्ती निलेश चव्हाणला देखील काही दिवसापूर्वी नेपाळमधून अटक केली होती. निलेश चव्हाणकडून मोबाइल देखील जप्त करण्यात आले आहे. करिश्मा आणि सासूचे मोबाईल निलेशकडे असल्याचे चौकशीत त्याने सांगितले आहे.

आता याच प्रकरणाची नवीन माहिती समोर आली आहे. शशांक आणि लता हगवणे यांनी जेसीबी विक्रीच्या व्यवहारात प्रशांत येळवंडे यांची फसवणूक केल्याची तक्रार महाळूंगे पोलिसांकडे दाखल झाली होती. या तक्रारीवरून पोलिसांनी शशांक आणि लता हगवणे यांच्या विरोधात फसवणुकीचा गुन्हा दाखल केला. या गुन्ह्याच्या तपासादरम्यान महाळुंगे पोलिसांनी हगवणे कुटुंबीयांचे जेसीबी मशीन जप्त केल्याची माहिती समोर आली आहे. या प्रकरणाचा पुढील तपास महाळुंगे पोलीस करत आहेत.