Manasvi Choudhary
हिवाळा आणि उन्हाळामध्ये तुम्ही ज्याप्रमाणे कपड्याची निवड करतात तशीच पावसाळ्यात करणे महत्वाचे आहे. विशेषत: साडी नेसणाऱ्या महिलांनी कपड्याची काळजी घेणे महत्वाचे आहे.
अनेक महिलांना पावसाळ्यात साडी नेसण्याचा त्रास वाटतो. यामुळे पावसाळ्यात साडी नेसणे महिला बंद करतात. मात्र आज आम्ही तुम्हाला साडीचे लेटेस्ट पॅटर्न्स सांगणार आहोत जे कम्फर्टेबल असतील.
पावसाळ्यात जड काठपदर किंवा सिल्कच्या साड्या नेसू नका या साड्या पावसात भिजून खराब होण्याची शक्यता अधिक असते.
शिफॉन फॅब्रिक अत्यंत मऊ, वजनाने हलके असते. पावसाळ्यात मोठ्या किंवा बारीक फुलांची नक्षी असलेल्या शिफॉन साड्या नेसा. या साड्या भिजल्या तरी शरीराला चिकटत नाहीत आणि खूप लवकर सुकतात.
जॉर्जेट साड्या या पावसाळ्यासाठी बेस्ट आहेत. सध्या बाजारात हलक्या रंगाच्या जॉर्जेट साड्यांना महिलांची पंसती दिसतेय.
जर तुम्हाला कार्यक्रमात किंवा ऑफिस पार्टीला जायचे असेल, तर तुम्ही हलक्या वजनाच्या नेट साड्यांची निवड करू शकता. या साड्या एलिगंट लुक देतात आणि भिजल्या तरी अजिबात जड होत नाहीत.