Manasvi Choudhary
पावसाळा सुरू झाला की प्रत्येकाला वाटते आपल्याकडे वॉटरप्रूफ फोन असावा. वॉटरप्रूफ फोन पाण्यामध्ये टाकली तरीरी खराब होत नाही.
आजकाल अनेक कंपन्या नवनवीन वॉटरप्रूफ फोन लॉन्च करत आहे जे फोन दिर्घकाळ पाण्याखाली राहू शकतात.
वॉटरप्रूफ फोन हा अन्य स्मार्टफोनपेक्षा वेगळा असतो. वॉटरप्रूफ फोनद्वारे तुम्ही पाण्याखाली फोटो आणि व्हिडीओ देखील क्लिक करू शकता.
वॉटरप्रूफ फोन हा पाण्यामध्ये ही वापरू शकता हे या फोनचे खास वैशिष्ट्य आहे. या फोनमध्ये पाणी शिरण्यासाठी असलेल्या जागांची संख्या कमी ठेवलेली असते.
वॉटरप्रूफ फोन डिझाईन करताना फोनमधून पाणी आत जाऊ नये म्हणून कमीत कमी जागा किंवा छिद्रे ठेवली जातात.
फोनचा चार्जिंग पोर्ट, सिम ट्रे आणि बाजूची बटणे या अशा जागा आहेत जिथून पाणी सहज आत जाऊ शकते. हे रोखण्यासाठी कंपन्या या भागांच्या आत 'सिलिकॉन गॅस्केट' आणि 'रबर सिलिंग रिंग्स' चा वापर करतात, जे पाण्याचा थेंब आत जाऊ देत नाहीत.
फोनमध्ये स्पीकर आणि मायक्रोफोनमधून आवाज बाहेर येण्यासाठी बारीक छिद्रे असतात. यामधून पाणी आत जाऊ शकते अशा वेळी पाणी आत जाण्यापासून रोखण्यासाठी यावर 'हायड्रोफोबिक' जाळीदार कापड किंवा मेम्ब्रेन वापरले जाते. हे हवेला आत-बाहेर करू देते, पण पाण्याला पूर्णपणे अडवून धरते.
फोनमध्ये पाणी गेल्यानंतर मदरबोर्ड आणि सर्किट बोर्ड सुरक्षित राहावा म्हणून त्यावर 'नॅनो हायड्रोफोबिक कोटिंग' चा थर दिला जातो. हे कोटिंग वॉटर-रिपेलेंटसारखे काम करते, ज्यामुळे पाण्याचा थेट संपर्क सर्किटशी येत नाही आणि शॉर्ट सर्किट टळते.