हैदराबाद गॅजेटनुसार बंजारा समाजाचा एसटी प्रवर्गात समावेश करावा अशी मागणी बंजारा समाजाने केल्यानंतर आता आदिवासी समाज मोठ्या प्रमाणात आक्रमक झाला आहे. नांदेडच्या हदगाव येथे आदिवासी समाजाने आरक्षण बचाव आक्रोश मोर्चा काढला. या मोर्चात हजारो आदिवासी बांधव सहभागी झाले होते. एसटी प्रवर्गात इतर कुठल्याही जातीचा समावेश करू नये अन्यथा मुंबई जाम करू असा इशारा आदिवासी बांधवानी दिला आहे. बंजारा समाजाने केलेल्या मागणीला आदिवासी समाजाने आता प्रखरपणे विरोध करायला सुरुवात केली आहे.