शिवसेना शिंदे गटाचे मंत्री गुलाबराव पाटील हे आता सध्या रोजच आपल्या वेगवेगळ्या वक्तव्याने चर्चेत आहेत. आजही त्यांनी एक मिश्किल वक्तव्य केलं आणि एकच हशा पिकला. गुलाबराव पाटील म्हणाले, विधानसभा निवडणुकीत मलाही वाटायचे माझं काही खरं नाही लोकही म्हणायचे आता हा गुलाबराव पाटील येतच नाही तो गेला डब्यात. पण लोकांनी छप्पर फाडके मत दिले. आपल्याला जोरदार मत दिले आणि निवडून दिले आणि यावेळेस महायुती घट्ट होती त्याचा हा परिणाम सगळीकडे दिसला. अशी मिश्किल टोलेबाजी मंत्री गुलाबराव पाटील यांनी आपल्या भाषणातून केली.