Nandurbar mayor candidate Vishwas Badoge arrested by Gujarat Police नंदुरबारमध्ये ऐन निवडणुकीच्या तोंडावर मोठी खळबळ उडालीय.. नगराध्यक्षपदाचे अपक्ष उमेदवार विश्वास बडोगेंना गुजरात पोलिसांनी अटक केलीय. दहशतवाद आणि संघटित गुन्हे नियंत्रणाशी संबंधित कलमांनुसार ही कारवाई करण्यात आली असल्याची माहिती मिळतेय. निवडणुकीच्या काळात झालेल्या या अटकेमुळे राजकीय वातावरण तापले असून स्थानिक पातळीवर चर्चांना उधाण आलंय. या कारवाईचा निवडणूक लढतीवर परिणाम होण्याची शक्यता व्यक्त केली जात आहे.

तिसरी आघाडी करून निवडणूक लढवणाऱ्या नगराध्यक्ष पदाचा उमेदवाराला गुजरात पोलिसांनी अटक केल्याने एकच खळबळ उडाली आहे. नवापूर नगर परिषदेसाठी जिल्हा विकास आघाडीचे म्हणून संपूर्ण पॅनल निवडणुकीच्या रिंगणात उतरवणारे नगराध्यक्ष पदाचे उमेदवार विश्वास बडोगे गुजरात पोलिसांच्या जाळ्यात अडकले. विश्वास बडोगे यांच्यावर गुजरात राज्यात 25 हून अधिक गुन्हे दाखल आहेत. दारू तस्करीच्या आरोपाखाली गुजरात राज्यात अनेक गुन्हे आहेत.