सरकारी अधिकाऱ्यांसाठी महत्त्वाची बातमी आहे. आता सेवानिवृत्त झाल्यानंतरही सरकारी अधिकाऱ्यांना पुन्हा नोकरी करता येणार आहे.यामुळे कर्मचाऱ्यांना फायदाच होणार आहे.शासकीय आणि निमशासकीय सेवेतील निवृत्त अधिकाऱ्यांना पुन्हा कंत्राटी पद्धतीने सेवेत घेण्याचा निर्णय सरकारने घेतलाय. यानुसार कार्यालयांतील एकूण पदांच्या 10 टक्के जागांवर निवृत्त अधिकाऱ्यांची नियुक्ती केली जाणार आहे. हे अधिकारी वयाच्या 65 वर्षांपर्यंत आणि विशिष्ट क्षमतेनंतर 70 वर्षांपर्यंतही सेवा देऊ शकतील. ही वयोमर्यादा पदानुसार निश्चित केली जाणार आहे. मात्र, या निर्णयाला सरकारी अधिकारी संघटनांचा विरोध आहे.