सांगली जिल्हा मध्यवर्ती बँकेच्या निवडणूकीमध्ये भाजप आमदार गोपीचंद पडळकर यांचा उमेदवारी अर्ज अवैध ठरला आहे. यामुळे भाजपला मोठा धक्का बसला आहे. उच्च न्यायालयाच्या कोल्हापूर खंडपीठाने पडळकरांचा अर्ज अवैध ठरला आहे. न्यायालयाच्या निर्णयाचा माजी आमदार विक्रम सावंत यांनी स्वागत केले आहे. न्यायव्यवस्था जिवंत आहे, असं मत व्यक्त करत ज्यांनी ज्यांनी खोटी कागदपत्रे देण्यासाठी मदत केली आहे. त्यांच्यावर फौजदारी गुन्हे दाखल झाले पाहिजेत, अशी मागणी देखील याचिकाकर्ते सावंत यांनी केली आहे. गोपीचंद पडळकर आणि सदाभाऊ खोत यांनी मोठे शक्तिप्रदर्शन करत सांगली जिल्हा बँकेसाठी अर्ज दाखल केला होता. मात्र या अर्जावर जतचे माजी आमदार विक्रम सावंत यांनी आक्षेप घेतल्यानंतर निवडणूक निर्णय अधिकाऱ्यांनी तो अर्ज बाद ठरवला. त्यानंतर हे प्रकरण न्यायालयात गेले होते.