अमेरिकन टेक कंपनी गुगलने पुन्हा एकदा आपल्या शेकडो कर्मचाऱ्यांची कपात केली आहे. खर्च कमी करण्यासाठी आणि आर्टिफिशियल इंटेलिजन्सवर अधिक लक्ष केंद्रित करण्याच्या उद्देशाने गुगलने आपल्या क्लाउड युनिटमध्ये डिझाइन विभागाशी संबंधित १०० अधिक कर्मचाऱ्यांना कामावरून काढले असल्याचे सूत्रांकडून सांगण्यात आले आहे. कंपनीच्या धोरणात्मक बदलांमुळे ही कपात करण्यात आल्याचे सांगितले जात आहे. जागतिक स्तरावर AI चा वापर वाढवण्याची गुगलची महत्त्वाकांक्षा लक्षात घेता कंपनी आपल्या इतर विभागांमधील खर्चात कपात करून अधिक संसाधने AI क्षेत्रात गुंतवत आहे. मागील काही महिन्यांपासून गुगलसह इतर मोठ्या टेक कंपन्याही खर्च नियंत्रणासाठी कर्मचाऱ्यांच्या कपातीचा मार्ग स्वीकारताना दिसत आहेत.