सिडकोतर्फे छत्रपती शिवाजी महाराज आंतरराष्ट्रीय विमानतळ आणि नवी मुंबई आंतरराष्ट्रीय विमानतळाला जोडणारी गोल्डन मेट्रो मार्गिका क्रमांक ८ उभारण्यात येणार आहे. या प्रकल्पाचे बांधकाम, संचालन आणि अंमलबजावणीसाठी सविस्तर प्रकल्प अहवालाचा पुनरावलोकन करण्यासाठी सल्लागार नेमण्याची प्रक्रिया सुरू झाली असून त्यासाठी निविदा जारी करण्यात आल्या आहेत. ही मार्गिका विमानतळ एक्स्प्रेस मार्गिका म्हणून विकसित होणार असून कमी थांब्यांमुळे प्रवास अवघ्या ३० मिनिटांत पूर्ण होईल. अंदाजे ३५ किलोमीटर लांबीच्या या मार्गिकेत ९ किलोमीटर भुयारी तर २५ किलोमीटर उन्नत मार्गाचा समावेश असेल. या मेट्रो मार्गिकेमुळे मुंबई आणि नवी मुंबईतील प्रवाशांना सोयीस्कर आणि वेगवान दळणवळणाची सुविधा उपलब्ध होणार आहे.