जगद्गुरु संत तुकाराम महाराज यांच्या पालखी समोर आज बारामती मधील काटेवाडी या ठिकाणी मेंढ्यांचा गोल रिंगण संपन्न होणारे. गेल्या तीन पिढ्यांपासून केसकर कुटुंबीयांकडे या मेंढ्यांना रिंगण घालण्याचा मान आहे. काही वर्षांपूर्वी केसकर यांच्या मेंढ्या आजारी पडल्या होत्या अनेक डॉक्टरांना दाखवून सुद्धा त्या बऱ्या झाल्या नाहीत अखेर त्यांनी पालखी समोर रिंगण घालवण्याचे ठरवलं आणि त्यानंतर तात्काळ या मेंढ्या बऱ्या झाल्या अशी आख्यायिका केसकर कुटुंबीयांचे सदस्य सांगतात. रिंगणापूर्वी या मेंढ्यांना आंघोळ घालून त्यांना रंगवण्याची तयारी सध्या काटेवाडी मध्ये पाहायला मिळते आहे.