नागपंचमीनिमित्त बार्शीतील भगवंत मैदानावर उभारण्यात आलेल्या मनोरंजन पार्क मधील अतिभव्य प्री पॉल पाळणा अचानक बंद पडला. पाळणा वर गेल्यानंतर अचानक बंद पडल्याने जवळपास तीस ते पस्तीस लोकांचा जीव टांगणीला पडला होता. मात्र सुदैवाने या घटनेत कोणतीही हानी झाली नाही. पाळणा बंद पडल्याची माहिती मिळताच पोलिस आणि अग्निशमन टीम घटनास्थळी पोहचल. पाळण्याची उंची जास्त असल्यामुळे खाजगी क्रेनच्या सहाय्याने अडकलेल्या लोकांना खाली उतरवण्यात आले. पाळण्यातून खाली उतरल्यानंतर लोकांनी सुटकेचा निःश्वास सोडला.