आज प्रचाराच्या शेवटच्या दिवशी प्रसिद्ध लावणी कलावंत गौतमी पाटीलने आज चंद्रपूर जिल्ह्यातील मूल येथे काँग्रेसचा प्रचार केला. मूल शहरातून रोड शो करत त्यांनी काँग्रेसला विजयी करण्याचे आवाहन केले. मूल येथे एकता समर्थ या नगराध्यक्षपदाच्या उमेदवार आहेत. हे क्षेत्र भाजप नेते सुधीर मुनगंटीवार यांच्या मतदारसंघात येत असल्याने इथे शेवटच्या क्षणी काँग्रेसने ताकद झोकली आहे. गौतमी पाटील यांची तरुणाईत क्रेझ लक्षात घेता त्यांना प्रचारासाठी उतरवण्यात आले. या रोड शोला नागरिकांचा विशेतः तरुणाईचा मोठा प्रतिसाद मिळाला. यामुळे निवडणुकीनंतर या नगरपरिषदचा काय निकाल लागतो पाहणे महत्वाचे ठरणार आहे.