गौतमी पाटीलच्या कारला झालेल्या अपघाताच्या तपासाला वेग आला आहे. हा तपास पुणे पोलिसांच्या गुन्हे शाखेकडे सोपवण्यात आला असून, पोलिसांच्या दोन टीम तपासासाठी रवाना झाल्या आहेत. वाहनचालकाच्या रक्ताचे नमुने फॉरेन्सिक तपासासाठी पाठवले गेले आहेत. अपघातानंतर गौतमी पाटीलची कार टोईंग व्हॅनद्वारे घटनास्थळावरून हलवण्यात आली होती. ही टोईंग व्हॅन नेमकी कोणी आणली होती, याचा तपास सध्या पोलिसांकडून सुरू आहे. परिसरातील सर्व सीसीटीव्ही फुटेजची तपासणी केली जात आहे. दरम्यान, अपघातग्रस्त व्यक्तीच्या कुटुंबीयांनी केंद्रीय राज्य मंत्री मुरलीधर मोहोळ यांची भेट घेऊन तपास योग्य पद्धतीने होत नसल्याची तक्रार केली. त्यानंतर मुरलीधर मोहोळ यांनी थेट पुणे पोलीस अधिकाऱ्यांना फोन करून संबंधित आरोपींवर कडक कारवाई करण्याचे निर्देश दिले आहेत.