छत्रपती संभाजीनगर : वाहनात सिलेंडर भरताना मोठा स्फोट झालाय. ही धक्कादायक घटना छत्रपती संभाजीनगर जिल्ह्यातील फुलंब्री तालुक्यातल्या निमखेडा इथं घडलीये. या घटनेनं अख्ख गाव हादरून गेलंय. एका ओम्नी कारमध्ये गॅस भरत असताना गाडीनं अचानक पेट घेतला. त्यानंतर गॅसची टाकी बाजूला असणाऱ्या एका गॅरेजला जाऊन आदळली. त्यामुळे स्फोट होऊन मोठा भडका उडाला. त्यामुळे याठिकाणी गावकऱ्यांमध्ये भितीचं वातावरण पसरलं आहे. दहा किलोमीटर अंतरावर स्फोटचा मोठ्या प्रमाणात आवाज आला. या स्फोटामुळे दुकान पूर्णपणे उद्ध्वस्त झालंय. पण या घटनेत किती जण जखमी झालेत. यासंदर्भातील माहिती अद्यापही समोर आलेली नाहीये.