जखमी पित्याच्या उपचारासाठी तब्बल १८ किलोमीटरची पायपीट करुन रुग्णालयात दाखल केल्याची घटना गडचिरोली जिल्ह्यामध्ये घडली. आपल्या पित्यासाठी केलेल्या या धडपडीसाठी कलयुगातील श्रावणबाळाचे सर्वत्र कौतुक होत आहे. त्याचं झालं असं की, भामरागड तालुक्यात अतिदुर्गम गावातल्या शेतात काम करताना मालू मज्जी हे शेतात घसरून पडल्याने जखमी झाले होते.

वेदनेने विव्हळत असलेला पित्याला रुग्णालयात मिळण्याचा निर्णय मुलाने केला. मात्र कुठलंही वाहन नसल्याने खाटेची कावड तयार करून वडिलांना त्यावर झोपवून 18 किलोमीटरचा चिखल तुडवत त्याने प्रवास केला वाटेत भरलेली नदी होती, लहानशा होडीतून पलीकडे जाऊन वडिलांना रुग्णालयात दाखल केलं. उपचारानंतर त्याच कावडीवर वडिलांना घेऊन तो भटपार येथे परतला.