पंढरपुरात अजय बारस्कर महाराजांची चार चाकी गाडी जाळल्याची घटना समोर आली आहे. अजय बारस्कर आषाढी वारीसाठी पंढरपुरात आले होते. भटुंबरे गावातील पंडीत शेंबडे यांच्या शेतात त्यांनी आपली गाडी पार्क केली होती. ती गाडी जाळण्यात आली आहे. या प्रकरणी पंढरपूर तालुका पोलिस ठाण्यात तक्रार दाखल करण्यात आली आहे. अलिकडेच अजय बारस्कर यांना धमक्यांचे फोन येत होते अशी माहिती समोर येत आहे. मध्यंतरी अजय बारसकर यांनी मनोज जरांगे यांच्या आंदोलनाला विरोध केला होता, त्यानंतर ही गाडी जाळण्यात आल्यामुळे या प्रकरणांचा काही संबंध आहे का? हे देखील पाहणे महत्त्वाचे ठरणार आहे.